काठमाडौँ । प्रधानमन्त्री केपी शर्मा ओलीले कोप–३० जाँदा भाषण सुनेर फर्किने नभइ निर्णय गराएर आउने गरी तयारी थाल्न निर्देशन दिनुभएको छ ।
बिहीवार काठमाडौंमा वन तथा वातावरण मन्त्रालयले कोप २९ को समीक्षाका लागि आयोजना गरेको कार्यक्रमलाई सम्बोधन गर्दै प्रधानमन्त्री ओलीले जलवायु परिवर्तन सम्बन्धी सम्मेनहरुलमा जाँदा भाषण सुन्ने नभइ निर्णय गराउनसक्ने गरी जानुपर्ने बताउनुभएको हो ।
उहाँले सम्मेलनका दिइने ३ मिनेटलाई कतिबेला आयो भन्नेकुराको जानकारी बिनै उत्कृष्ट रुपमा आफ्ना धारणा र एजेण्डाहरु प्रश्तुत गर्नुपर्ने बताउनु भयो । योजना उहाँले कोप ३० मा जाँदा नेपालले आफूलाई विशेष तयारीका साथ जानुपर्ने बताउनु भयो । उहाँले नेपालले जलवायु परिवर्तनसम्बन्धी मुद्दामा नेतृत्व लिन सक्नुपर्ने बताउनु भयो । सबै एकजुट भएमात्रै जलवायु परिवर्तनका समस्या न्युनिकरण गर्न सकिने उल्लेख गर्दै प्रधानमन्त्री ओलीले जलवायु परिवर्तनसम्बन्धी असर न्युनिकरणका लागि ठोस नीति बनाउनुपर्ने बताउनु भयो । कसको जिम्मेवारी के ?कसले के गर्ने ? भनेर सरकारले समिति बनाउने र समितिको सुझावअनुसार जलवायु अनुकुलनका लागि काम गर्ने बताउनु भयो । उहाँले अहिलेदेखि नै कोप ३० को तयारीमा लाग्न निर्देशन दिनुभयो । कोप २० बाट ३० आउँदासम्म नेपालले गरेका कामहरुको प्रतिवेदन बनाउने र आफ्ना एजेण्डाहरु दृढ र स्पष्ट बनाउनुपर्नेमा जोड दिनुभयो । हिमालमा जलवायु परिवर्तनका कारण परेको असरमा नेपालले प्राथमिकता दिनुपर्ने उल्लेख गर्नुभयो ।
उहाँले भन्नुभयो, ‘अब हामी ठोस नीति बनाऔँ । कसको जिम्मेवारी के रु कसले के गर्छ भनेर त्यो एउटा वन मन्त्रालय र अरुसमेत राखेर, विभिन्न राखेर हामी एउटा यस्तो समिति बनाउँला । जसबाट विज्ञहरु राखेर योङ इनर्जेटिक मान्छेहरु राखेर अर्को साथीले उठाउनुभएको थियो, हामी टेक्नोलोजी र म्यानपावरतिर ध्यान दिइरहेका छैनौँ भने कसरी यसको मिटिगेशन कसरी हुन्छ रु त्यसकारण यसकारण यसलाई सम्बोधन गर्न हामीसँग नलेज, टेक्नोलोजी, टेक्निकल म्यानपावर यि चाहिन्छ । इक्वीपमेण्टहरु पनि चाहिन्छ । यि समेत हामीले अघि बढाउनुपर्छ । तर त्यो भन्दा बढी महत्वपूर्ण कुरा कमन कमिटमेण्ट हो । साझा प्रतिवद्धता सबैभन्दा महत्वपूर्ण कुरा छ । जसमा हामी जानुपर्छ । कोप ३० मा जाँदा हामीले आफूलाई विशेष तयारीका साथ जानुपर्दछ । लेक्चर सुनेर आउने होइन, निर्णय गराएर आउने । हामीले लिड गर्नुपर्छ, यि इस्युहरुमा । तीन मिनेटको समय दिएको छ भने तीन मिनेट कतिबेला आयो भन्नेकुरा तिनीहरुले सम्झन पनि नपाउन् । हाम्रो लजिक त्यसरी जानुपर्छ । कतिबेला तीन मिनेट आयो, थाहा पनि नपाउन् । लजिकले समय बिर्साइदिन्छ । नेपाल देखिने, सुनिने हुनुपर्छ । नेपाल बुझिने हुनुपर्छ । नेपालले प्रश्तावहरुमार्फत लिड गर्नुपर्छ, इन्भायरोमेण्टल क्वेशनमा किनभने यसको मार सबैभन्दा बढी हामीलाई परेको छ । यसको समाधान यहाँबाट खोज्न प्रारम्भ गरिनुपर्दछ । हाम्रा मन्त्रालयहरुले ठोस योजनाहरु बनाउनु पर्दछ । अब अहिलेदेखि थालाँै कोप ३० को तयारी । त्यस भन्दा अगाडि २९ बाट ३० को बीचमा ह्वाट वि डिट इन नेपाल?यो कुरा हामीले रिपोर्ट प्रश्तुत गरौँ । के ग¥यौँ हामीले ? हाम्रा स्पष्ट र दृढ मागहरु प्रश्तुत गरौँ, हामीले लिएका नीतिहरु बताऔँ । दुनियाँलाई काम लाग्छ । हिमाल हामीसँग छन्, समस्याको जरो हामीसँग छ । त्यसकारण समस्या जहाँ छ त्यहाँ कामा गरौँ । माउण्टेनमा फोकस र कन्सन्टेसन हुनुपर्दछ ।’
प्रधानमन्त्री ओलीले सिमित श्रोत र साधनका बाबजुत पनि नेपालले सचेतनामुलक कार्यक्रमहरुमार्फत वातावरण सफा राख्नसक्ने बताउनु भयो । वन जंगलमा डढेलो लाग्न नदिन नागरिकमा सचेतना फैल्याउन आवश्यक रहेको बताउनु भयो ।
