काठमाडौं । नेकपा एमालेबाट निष्कासित नेता भीम रावलले पार्टी निर्णयको बिरुद्धमा उत्रन आव्हान गर्नुभएको छ । सामाजिक सञ्जाल एक्समार्फत् रावलले आफूलाई निष्कासन गर्ने निर्णयको विरोधमा उत्रन आव्हान गर्नुभएको हो ।
उहाँले लेख्नुभएको छ- सबै देशभक्त, न्यायप्रेमी, सुशासन, सुनिश्चित प्रणाली तथा जनताको समृद्धि र उज्यालो भविष्यप्रति प्रतिबद्ध इमान्दार पार्टी कार्यकर्ता र जनसमुदायले केपी ओलीको अन्यायपूर्ण निर्णयको विरोध गर्नेमा म विश्वस्त छु।’
बुधबार बसेको सचिवालय बैठकले नेता रावललाई पार्टीबाट निस्काशन गर्ने निर्णय गरेको थियो । रावलका अभिव्यक्ति पार्टीलाई बलियो बनाउनुभन्दा निरन्तर कमजोर बनाउने हिसाबले आएका हुनाले उहाँलाई सङ्गठित सदस्यबाट मुक्त गर्ने निर्णय एमालेले गरेको थियो ।
