काठमाडौँ । मलेसियामा जारी एसिसी यू–१९ महिला एसिया कप क्रिकेटअन्तर्गत नेपाल र भारतबीचको खेल वर्षाका कारण रद्द भएको छ ।
नेपालले दिएको ९५ रनको लक्ष्य पछ्याउँदै मैदानमा उत्रिएको भारत ३.१ ओभरमा विकेट नगुमाई २८ रन जोडेको अवस्थामा वर्षा भएपछि खेल रद्द गरिएको हो ।
योसँगै नेपाल र भारतले अंक बाँडेका छन् । त्यसअघि क्वालालाम्पुरस्थित बायुमास ओभलमा टस हारेर ब्याटिङको मौका पाएको नेपालले निर्धारित २० ओभरमा ८ विकेट गुमाएर ९४ रन बनाएको थियो ।
खेल रद्द भए पनि समूह ‘बी’ बाट नेपाल र भारत सेमिफाइनल पुगे । समूह ‘बी’ कै पाकिस्तान भने लगातार दुई खेलमा हार व्यहोर्दै प्रतियोगिताबाट बाहिरियो ।
