काठमाडौँ । नेपाल प्रिमियर लिग (एनपिएल) अन्तर्गत १५ औं खेलमा चितवन राइनोज र सुदूरपश्चिम रोयल्सले प्रतिस्पर्धा गरिरहेका छन् ।
कीर्तिपुरस्थित टियु मैदानमा जारी खेलमा चितवनले सुदूरपश्चिमलाई १६५ रनको लक्ष्य दिएको छ ।
टस जितेर पहिले ब्याटिङ थालेको चितवनले २० ओभरमा ५ विकेट गुमाएर १६४ रन जोड्यो ।
उसका लागि हसन इसाखिलले सर्वाधिक ६५ रन जोडे । ५२ बल खेलेका उनले ६ चौका र ३ छक्का प्रहार गरे । रवि बोपाराले १८ बलमा ३६ रनको विष्फोटक इनिङ खेले । उनले २–२ चौका र छक्का हिर्काए । यस्तै, बिपिन रावलले १७, कुशल मल्लले १३ रन बनाए ।
बलिङतर्फ सुदूरपश्चिमका स्कट कुग्लेजिनले दुई तथा दिपेन्द्र सिंह ऐरी र सैफ जइबले एक–एक विकेट लिए ।
