काठमाडौँ । इंग्लिस प्रिमियर लिग फुटबलमा म्यान्चेस्टर सिटीले बराबरी खेलेको छ ।
गएराति भएको खेलमा सिटीले क्रिस्टल प्यालेससँग २–२ गोलको बराबरी खेल्दै अंक बाँडेको हो ।
खेलको चौंथो मिनेटमा नै घरेलु टोलिले ड्यानियल मुनोजको गोलबाट अग्रता लिएको थियो । ३० औं मिनेटमा एर्लिङ हालाण्डले गोल गर्दै सिटीलाई १–१ को बराबरीमा ल्याए ।
५६ औं मिनेटमा म्याक्सेन्स लाक्रोइक्सले गोल गर्दै प्यालेसलाई २–१ ले अघि बढाए । ६८ औं मिनेटमा रिको लेविसले गोल गर्दै सिटीलाई २–२ को बराबरीमा ल्याए ।
त्यसपछि दुबै टोलिबाट थप गोल हुन सकेन र खेल बराबरीमा टुंगियो । लेविस ८४ औं मिनेटमा रातो कार्ड खाँदै मैदानबाट बाहिरिएका थिए ।
बराबरीसँगै सिटी १५ खेलबाट २७ अंकका साथ तालिकाको चौंथो स्थानमा रहेको छ भने प्यालेस १३ अंकका साथ १६ औं स्थानमा छ ।
