काठमाडौं । नेकपा (एमाले)को जिल्ला अधिवेशनबाट ६३ भौगोलिक र गैरभौगोलिक जिल्लाले नयाँ नेतृत्व पाएको छ ।
एमाले केन्द्रीय कार्यालयले दिएको जानकारी अनुसार पर्सा, सिन्धुपाल्चोक, चितवन, दैलेख र मुगु गरी पाँच जिल्लामा अधिवेशन उद्घाटन भई नेतृत्व चयन र समापन बाँकी छ ।
त्यस्तै, धनुषा, महोत्तरी, सर्लाही, मनाङ, मुस्ताङ, रुकुम पूर्व, रोल्पा, हुम्ला र बझाङ गरी नौ जिल्लामा अधिवेशनका मितिहरु कोभिङ–१९ महामारीको संक्रमणलाई मध्यनजर गर्दै तय गरिने एमालेले जनाएको छ ।
विद्यार्थी विशेष र उद्योग–व्यवसायी विशेष जिल्ला कमिटीका अधिवेशनहरु पनि पछि आयोजना गरिनेछ ।
