विराटनगर । कोशी प्रदेशका पूर्वआन्तरिक मामिला तथा कानुनमन्त्री लिलाबल्लभ अधिकारी रिहा भएका छन् ।
मानव तस्करीको आरोपमा अनुसन्धानका लागि पक्राउ परेका अधिकारी १६ दिनको हिरासतपछि रिहा भएका हुन् ।
सरकारी वकिल कार्यालय काठमाडौँले अधिकारीविरुद्ध मुद्दा नचलाउने निर्णय गरेसँगै जिल्ला प्रहरी परिसर काठमाडौँले उनलाई सोमबार साँझै रिहा गरेको हो ।
कात्तिक दोस्रो हप्ता जापान जाँदा असम्बन्धित व्यक्तिलाई पनि लिएर गएपछि मन्त्री अधिकारीमाथि छानबिन भएको थियो । अधिकारीलाई कात्तिक २५ गते विराटनगरबाट प्रहरीले नियन्त्रणमा लिएको थियो ।
