काठमाडौँ । प्रधानमन्त्री केपी शर्मा ओलीले भारतीय गुप्तचर प्रमुखलाई अस्ती भेटेको चर्चा देशमा सेलाएको छैन । बरु उनको चर्काे आलोचना सर्वत्र भइरहेको छ । ठीक यही बेलामा अर्थात् उनले भारतीय जासुश अधिकारीलाई भेटेपछि उनी आफैले संशोधन गरेको देशको नक्साबाट लिम्पिया धुरा नै गायब हुन पुगेको छ । यसकारण फेरि उनको चर्काे आलोचना शुरु भएको बताइएको छ ।
उनले दसैँको शुभकामनासहित जारी गरेको सन्देशमा प्रयोग गरिएको नेपालको निशानमा पुरानो नक्सा छापिएपछि सामाजिक सञ्जालमा त्यसको ब्यापक विरोध भइरहेको छ ।
भारतले नेपाली भूभागसहितको राजनीतिक नक्सा जारी गरेपछि नेपालले पनि लिम्पियाधुरासहितको नेपालको नयाँ राजनीतिक नक्सा सार्वजनिक गरेको थियो । उक्त नक्सालाई संविधान संशोधन गर्दै संघीय संसदले पास पनि गरिसकेको छ ।
तर, आज प्रधानमन्त्री स्वयंले प्रयोग गरेको नेपालको नक्सामा उनले फिर्ता ल्याउन खोजेको भनिएको लिम्पियाधुरा गायब छ । उनी आफैले नयाँ नक्साको साटो पुरानो नक्सा प्रयोग गरेपछि त्यसबारे प्रश्न उठेको हो ।
यसप्रति प्रमुख प्रतिपक्षी दल नेपाली काँग्रेसका प्रवक्ता विश्वप्रकाश शर्माले प्रश्न गरेका छन् । उनले लिम्पियाधुरारहित नेपालको नक्सा प्रयोगलाई सामान्य त्रुटि कसरी मानौं सम्मानीय प्रधानमन्त्रीमन्त्रीजी भनेर प्रश्न गरेका छन् । देशको संसदले पारित गरेको नक्सा अब नक्सामै असुरक्षित भएपछि जग्गा फिर्ता गर्ने अभियान जारी कि यहाँको नेतृत्वमा बिसर्जन ? उनले प्रश्न गरेका छन् ।
