काठमाडौं। मानव तस्करीको आरोपमा पक्राउ परेका नेकपा (एमाले) का नेता लिलाबल्लभ अधिकारीलाई काठमाडौं ल्याइएको छ ।
जिल्ला प्रहरी परिसर काठमाडौंले जिल्ला प्रहरी कार्यालय मोरङलाई अधिकारीलाई काठमाडौं पठाइदिन भन्दै पत्राचार गरेको छ ।
आज बिहान निवाशबाटै समातिएका उनलाई अनुसन्धानका लागि काठमाडौँ ल्याउन लागिएको हो । कोशी प्रदेशका पूर्व आन्तरिक मामिला तथा कानुनमन्त्रीसमेत रहेका अधिकारीले मन्त्रालयसँग असम्बन्धित मान्छेहरु लिएर जापान पुगेका थिए ।
तत्कालीन मन्त्री अधिकारीसहित ४ जनालाई जापानको अध्यागमन विभागले नेपाल नै फिर्ता पठाइदिएपछि उनी विवादमा तानिएका थिए ।आरोपलगत्तै मन्त्री पदबाट राजीनामा दिएका उनलाई एमालेले पार्टीको सबै जिम्मेवारीबाट निलम्बन गरिसकेको छ ।
