काठमाडौं । बानेश्वरस्थित कान्तिपुर इन्टरनेश्नल कलेज, बुद्धनगरमा तनाव सिर्जना भएको छ ।
कोरोना संक्रमित विद्यार्थी र संक्रमण नभएका विद्यार्थीलाई एकैठाउँमा राखेर परीक्षा दिन लगाएको भन्दै विद्यार्थीहरु आन्दोलनमा उत्रिएपछि आन्दोलित विद्यार्थी र प्रहरीबीच घम्साघम्सी भएको हो ।
प्रहरीले स्थितिलाई नियन्त्रणमा लिन लाठी चार्ज समेत गरेको छ । त्यसक्रममा केही विद्यार्थी घाइते भएका छन् भने केही विद्यार्थीलाई प्रहरीले नियन्त्रणमा पनि लिएको छ ।
बिएएलएलबीको चौथो वर्षको परीक्षा दिउँसो १ बजेदेखि ४ बजेसम्म तोकिएकोमा झडपको स्थिती सिर्जना भएपछि अहिलेसम्म परीक्षा सुरु हुन सकेको छैन ।
