विराटनगर । कोशी प्रदेशका आन्तरिक मामिला तथा कानुन मन्त्री लिलाबल्लभ अधिकारीले राजीनामा दिने भएका छन् ।
अनुमति नलिई जापान गएको विषय सार्वजनिक भएपछि उनले पत्रकार सम्मेलन गरेर राजीनामाको विषयमा जानकारी दिने तयारी गरेका हुन् ।
उनी गत कार्तिक १३ गते कूटनीतिक मर्यादा उल्लङ्घन गर्दै जापान गएका थिए । उनले जापान जाँदा मुख्यमन्त्रीलाई समेत जानकारी दिएका थिएनन् ।
मन्त्रीहरूले विदेश भ्रमणमा जाँदा प्रधानमन्त्री तथा मन्त्रिपरिषद्को कार्यालयमार्फत परराष्ट्र मन्त्रालयको सहमति लिनुपर्ने र विदेश भ्रमणको सहमतिका लागि परराष्ट्र मन्त्रालयमा लेखिपठाउँदा प्रदेश मन्त्रिपरिषद्को निर्णय सहित पठाउनुपर्ने व्यवस्था छ ।
मोरङ क्षेत्र नम्बर २ (२) बाट निर्वाचित मन्त्री अधिकारी एमालेका सांसद हुन् ।
