काठमाडौं । साफ महिला च्याम्पियनसिप फुटबल अन्तरगत दोस्रो सेमिफाइनल खेलमा नेपाल र भारतबीच प्रतिस्पर्धा भइरहेको छ ।
त्रिपुरेश्वरस्थित दशरथ रंगशालामा जारी खेलमा पहिलो हाफ सकिदा दुबै टोलि गोल गर्न सकेका छैनन् ।
३१ औं मिनेटमा साबित्रा भण्डारीले प्रहार गरेको बल भारतकी गोलकिपर देवि वाङखेमले बचाउ गरिन् । उक्त प्रहारबाट आएको रिबाउन्ड बलमा अमिशा कार्कीले गरेको प्रहारलाई पनि गोलकिपर वाङखेमले बिफल पारिन् ।
यो खेलको विजेताले फाइनलमा बङ्लादेशसङ्ग प्रतिस्पर्धा गर्नेछ ।
