काठमाडौँ । क्लब फुटबलमा सबैभन्दा प्रतिष्ठित भिडन्त ‘एल क्लासिको’ खेल आज हुँदैछ ।
ला लिगा अन्तर्गत दुई महारथी रियल मड्रिड र बार्सिलोना आज मध्यरातमा आमनेसामने हुँदैछन् । खेल नेपाली समयानुसार राति १२ः४५ बजे सुरु हुनेछ ।
ला लिगामा दुबै टोलीले हालसम्म १० खेल खेल्दा बार्सिलोना २७ अंकका साथ शीर्षस्थानमा छ । समान खेल खेलेको रियल २४ अंकका साथ दोस्रो स्थानमा छ । बार्सिलोनाले एक खेलमा पराजय ब्यहोर्दा रियल भने अपराजित रहेको छ । उसले ३ खेल बराबरी खेलेको छ ।
घरेलु मैदान सान्टियागो बर्नबेउमा दर्शकको साथ पाउने भएकाले रियल बार्सिलोनालाई हराउँदै अंक बराबरी गर्न चाहन्छ । अर्कोतर्फ रियललाई उसकै मैदानमा हराएर बार्सिलोना अंकदुरी बढाउन चाहन्छ ।
