जनकपुरधाम । नेकपा एमाले र लोकतान्त्रिक समाजवादी पार्टी नेपालबीच यही माघ १२ गते सम्पन्न हुने राष्ट्रियसभाको निर्वाचनमा मधेश प्रदेशबाट एकअर्कालाई सघाउने सहमति भएको छ । सहमतिअनुसार नेकपा एमालेका उम्मेदवार उसमान अन्सारी (सूर्य छाप) र महिलातर्फ लोकतान्त्रिक समाजवादी पार्टी नेपालका उम्मेदवार रुपाकुमारी यादव (साइकल छाप) लाई मतदान गर्न दुवै पार्टीका राष्ट्रियसभाका मतदाता, नेता तथा कार्यकर्ताहरुमा आह्वान गरिएको छ ।
दुवै पार्टीका प्रदेश अध्यक्ष रामऔतार यादव (एमाले) र जितेन्द्र सोनल (लोसपा) ले आज संयुक्त प्रेस वक्तव्य जारी गरी मधेश प्रदेशको जनताको चाहना र भावनालाई मध्यनजर गरी सहमति गरिएको जनाइएको छ ।
