काठमाडौँ । इंग्लिस प्रिमियर लिग फुटबलमा म्यान्चेस्टर युनाइटेडले हार ब्यहोरेको छ ।
गएराति भएको खेलमा युनाइटेड घरेलु मैदान वल्ड्र ट्राफोर्डमा टोटेनहमसँग ०–३ गोलले स्तब्ध बनेको हो ।
टोटेनहमको जितमा ब्रेन्नान जोनसोन, डेजान कुलुसेभ्स्की र डोमिनिक सोलान्कीले एक–एक गोल गरे । खेलको तेस्रो मिनेटमा नै टोटेनहमले जोनसोनको गोलबाट अग्रता लिएको थियो ।
४७ औं मिनेटमा कुलुसेभ्स्कीले गोल थप्दै टोटेनहमको अग्रता दोब्बर पारे । यस्तै, ७७ औं मिनेटमा सोलान्कीले गोल गर्दै टोटेनहमलाई ३–० गोलले जित दिलाए ।
खेलको ४२ औं मिनेटमा ब्रुनो फर्नान्डेजले रातो कार्ड खाँदै मैदानबाट बाहिरिएपछि युनाइटेड १० खेलाडीमा समेटिएको थियो ।
यो नतिजापछि टोटेनहम ६ खेलबाट १० अंकका साथ आठौं स्थानमा छ भने युनाइटेड ७ अंकका साथ १२ औं स्थानमा छ ।
