काठमाडौँ । नेपाल र हिमालयसँग सम्बन्धित करिब ५,००० दुर्लभ पुस्तकहरूको पुस्तकालय अब सबैका लागी खुल्ला गरिएको छ ।
नेपालका लागि अमेरिकी राजदूत डिन आर. थम्पसनले भक्तपुरको नेपाल भोकेसनल एकेडमीमा प्रोफेसर टेड रिक्कार्डी स्मारक रिडिंग रुमको उद्घाटन गर्नुभयो ।
रवीन्द्र पुरी फाउन्डेसन र एलेन कुनद्वारा आयोजित उक्त कार्यक्रममा, २०२० मा दिवंगत हुनुभएका कोलम्बिया विश्वविद्यालयका प्रोफेसर एमेरिटस टेड रिक्कार्डीको सम्झना र सम्मान गरिएको थियो ।
अमेरिकी दूतावासद्वारा पुनर्स्थापनाका लागि आर्थिक रूपमा सहयोग गरिएको यो संग्रह अब नेपाल र विदेशका अनुसन्धानकर्ता र शिक्षाविदहरूका लागि उपलब्ध हुनेछ ।
अमुल्य संग्रहहरुको अवलोकन गर्न दूतावासले निमन्त्रणा गरेको छ ।
