काठमाडौँ । इंग्लिस प्रिमियर लिग फुटबल अन्तर्गत म्यान्चेस्टर सिटीले जित निकालेको छ ।
गएराति भएको खेलमा सिटीले ब्रेन्टफोर्डलाई २–१ गोलले पराजित गरेको हो । घरेलु मैदान इतिहाडमा सिटीले पहिलो मिनेटमा नै गोल खाएको थियो । योआने वीसाले गोल गर्दै ब्रेन्टफोर्डलाई सुरुवाती अग्रता दिलाएका थिए ।
तर, १९ औं र ३२ औं मिनेटमा एर्लिङ हालाण्डले गोल गर्दै सिटीलाई जित दिलाए । सिटीको यो लगातार चौंथो जित हो । टोली ४ खेलबाट १२ अंकका साथ शीर्षस्थानमा छ । ब्रेन्टफोर्ड ६ अंकका साथ नवौं स्थानमा छ ।
यस्तै, अर्को खेलमा चेल्सीले बर्नमाउथलाई हरायो । चेल्सीको जितमा क्रिस्टोफर एन्कुन्कुले निर्णायक गोल गरे । उनले खेल सकिनै लाग्दा ८६ औं मिनेटमा गोल गर्दै चेल्सीलाई जित दिलाएका हुन् । ४ खेलबाट ७ अंक जोडेको चेल्सी सातौं स्थानमा रहँदा बर्नमाउथ ५ अंकका साथ ११ औं स्थानमा छ ।
यता, लिभरपुलले भने हार ब्यहोरेको छ । लिभरपुल आफ्नै घरेलु मैदानमा नटिङहम फरेस्टसँग १–० गोलले स्तब्ध बनेको हो । नटिङहमलाई जित दिलाउन एकमात्र निर्णायक गोल कालुम हड्सन ओडोइले गरे । ४ खेलबाट ९ अंकसहित लिभरपुल तालिकाको दोस्रो स्थानमा छ भने नटिङहम ८ अंकका साथ पाँचौं स्थानमा छ ।
