काठमाडौँ । यात्रुले जहाजभित्र मास्क लगाउन नमानेपछि उडानको बीचबाटै जहाज फर्किएको छ । अमेरिकाबाट बेलायतका लागि उडेको एक विमानमा एक यात्रुले मास्क लगाउन नमानेपछि उडानको बीचबाटै फर्किएको हो ।
अमेरिकी एयरलाइन्सको सो विमान फ्लोरिडाको मियामीबाट लण्डन गइरहेको र विमानभित्र यात्रुले मास्क लगाउन नमानेपछि उडानको बीचबाटै मियामी फर्केको हो । सो विमानमा १२९ यात्रु रहेको बताइएको छ ।
विमान परिचारिकाले मास्क लगाउन लगातार आग्रह गर्दा पनि ती यात्रुले मास्क लगाउन मानेका थिएनन् । त्यसपछि विमानलाई आकासबाटै फर्काउनुपरेको थियो । मियामीमै विमान अवतरण गरेपछि प्रहरीले उनलाई पक्राउ गरेको समाचार छ ।
