काठमाडौँ । ललितपुरको एकान्तकुनामा रहेको एक कल सेन्टरमा प्रहरीको केन्द्रीय अनुसन्धान ब्यूरो (सिआइबी)ले छापा हानेको छ ।
केही विदेशीले घर भाडामा लिएर क्रिप्टो कारोबार र ठगी धन्दा गरिरहेको सूचनाको आधारमा सिआइबीले गएराति छापा मारेको हो ।
सिआइबीका अनुसार कार्यालयमा रहेका कागजातसहित ५० जना कर्मचारीलाई नियन्त्रणमा लिइएको छ ।
नियन्त्रणमा लिइएकामध्ये अधिकांश फिलिपिन्स र चिनियाँ नागरिक छन् ।
कल सेन्टरको मुख्य सञ्चालक तीन जना रहेको पनि ब्युरोको प्रारम्भिक अनुसन्धानबाट खुलेको छ ।
