तनहुँ । तनहुँको आबुखैरेनी गाउँपालिका–२ र ३ नम्बर वडा जोड्ने खहरे खोलामा बस दुर्घटना भएको छ ।
नयाँ र पुरानो दुई वटा पुलको बीचबाट बस तल खहरेमा खोल्सामा खसेर दुर्घटना भएको हो । पूर्वबाट पश्चिमतर्फ जाँदै गरेको ग १ ख ९४०२ नम्बरको बस दुर्घटना भएको हो ।
उक्त बसमा १५ जना सवार रहेको र अहिलेसम्म ११ जना घाइते भएको प्रहरीले जनाएको छ । घाइते मध्ये ९ जना सामान्य छन् भने २ को अवस्था मध्यम रहेको छ ।
उद्धारको क्रम जारी नै रहेकोले विस्तृत विवरण आउन बाँकी रहेको प्रहरीले जनाएको छ ।
