काठमाडौँ । इंग्लिस प्रिमियर लिग फुटबलमा म्यान्चेस्टर सिटीले लगातार तेस्रो जित निकालेको छ । गएराति भएको खेलमा सिटीले वेस्टहाम युनाइटेडलाई उसकै घरेलु मैदानमा ३–१ गोलले पराजित गरेको हो ।
सिटीको जितमा एर्लिङ हालाण्डले ह्याट्रिक गरे । एक गोल पनि सिटीले आत्मघाती गरेको थियो । १९ औं मिनेटमा सिटीका रुवेन डियाजले आत्मघाती गोल गरेका हुन् ।
हालाण्डले १०, ३० र ८३ औं मिनेटमा गोल गर्दै ह्याट्रिक पूरा गरे । उनको यो लगातार दोस्रो ह्याट्रिक हो । यसअघि इप्सविच टाउनसँगको खेलमा पनि उनले ह्याट्रिक गरेका थिए ।
जितसँगै सिटीले ३ खेलबाट ९ अंक जोड्दै तालिकाको शीर्षस्थानमा उक्लिएको छ । वेस्टहाम भने ३ अंकका साथ १४ औं स्थानमा छ ।
