काठमाडौँ । इंग्लिस प्रिमियर लिग फुटबलमा आर्सनलले बराबरी खेलेको छ । भर्खरै सम्पन्न खेलमा आर्सनलले ब्राइटनसँग १–१ गोलको बराबरी खेल्दै अंक बाँडेको हो ।
घरेलु मैदान इमिरेट्समा ३८ औं मिनेटमा काई हाभेट्रजले गोल गर्दै आर्सनललाई सुरुवाती अग्रता दिलाएका थिए ।
तर, ५८ औं मिनेटमा जोआओ पेड्रोको गोलबाट ब्राइटनले खेल १–१ गोलको बराबरीमा ल्यायो । त्यसपछि खेलमा दुबैतर्फबाट गोल गर्ने प्रयास भएपनि गोल भने निस्किएन ।
४९ औं मिनेटमा डेक्लान राइसले रातो कार्ड खाँदै मैदानबाट बाहिरिएपछि आर्सनल १० खेलाडीमा समेटिएको थियो ।
३ खेलबाट ७ अंकसहित आर्सनल तालिकाको दोस्रो स्थानमा रहँदा ब्राइटन समान खेलबाट समान अंकसहित शीर्षस्थानमा छ ।
