काठमाडौं । मंगलबार नेप्से परिसुचक कारोबार भएको एक घण्टाको अवधिमा २८ दशमलव २३ अंक बढेर २ हजार ३२ दशमलव ६२ विन्दुमा पुगेको छ ।
यस अवधिमा १८८ ओटा कम्पनीको रू. १ अर्ब ४३ करोड ७९ लाख १६ हजारभन्दा बढीको शेयर खरीदविक्री भएको हो । सबैभन्दा बढी नारायणी डेभलपमेण्ट बैंकको शेयर मूल्य १० प्रतिशत वृद्धि भएर प्रतिकित्ता रू. ३६३ पुगेको छ । नेपाल पुनर्बीमा कम्पनीको सर्वाधिक कारोबार भएको छ । उक्त कम्पनीको रू १६ करोड ६३ लाख ५८ हजार बराबरको शेयर खरीदविक्री भएको हो ।
कारोबारमा आएका १२ ओटा समूहमध्ये सबैभन्दा बढी जलविद्युत् समूहको परिसुचक ५ दशमलव १६ प्रतिशत वृद्धि भएको छ ।
