काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङदेनले विभेदकारी आरक्षणको विषयमा पुन: विचार गर्न आग्रह गर्नुभएको छ ।
सामाजिक संजालमा स्टाटस राख्दै अध्यक्ष लिङदेनले हाम्रै देशमा पनि लागू गरिएको कतिपय विभेदकारी आरक्षणको विषयमा प्रश्न उठाउँदै आएको स्मरण गराउदै सबैलाई बेलैमा चेतना होस् भन्नुभएको छ ।
उहाँले लेख्नुभएको छ:
आफूले प्राप्त गरेको जनमतलाई ठिक ढङ्गले बुझ्न नसकेर मैले जे गर्दा पनि हुन्छ भन्ने उन्माद या आग्रहमा आएर नेतृत्वबाट आफ्ना मात्रैको हितका लागि विभेदकारी निर्णयहरू हुन्छन् भने जनताले प्रतिवाद गर्छन् भन्ने ज्वलन्त उदाहरण हो बंगलादेश ।
मैले वर्षौंबाट हाम्रै देशमा पनि लागू गरिएको कतिपय विभेदकारी आरक्षणको विषयमा प्रश्न उठाउँदै आएको छु। सबैलाई चेतना होस्।
