एजेन्सी । बलिउड अभिनेता अक्षय कुमार अनन्त अम्बानी र राधिका मर्चेन्टको विवाहमा सहभागी हुन पाउने छैनन् ।
मिडिया रिपोर्टका अनुसार उनी कोभिड पोजिटिभ भएका छन् । अनन्त–राधिकाले व्यक्तिगत रूपमा अक्षयलाई विवाहमा उपस्थित हुन निम्तो दिएका थिए तर अभिनेताले आफूलाई अलग राखेका कारण उनी विवाहमा उपस्थित हुन नसक्ने भएका छन् ।
अक्षय यस वर्ष मार्चमा जामनगरमा अनन्त–राधिकाको पहिलो प्रि–वेडिङ समारोहमा सहभागी भएका थिए ।
स्रोतका अनुसार हालै फिल्म ‘सरफिरा’ को प्रमोशनका क्रममा अक्षयको स्वास्थ्य अलि बिग्रिएको थियो । फिल्मको प्रमोशनको क्रममा एक क्रु सदस्य कोभिड १९ ले बिरामी परे, त्यसपछि अक्षय पनि बिरामी परे । उनलाई शुक्रबार बिहान कोभिड पोजिटिभ भेटिएको थियो ।
यसअघि २०२२ मा पनि अक्षय फिल्म ‘राम सेतु’ को सुटिङका क्रममा कोरोना संक्रमित भएका थिए । यस अवधिमा अक्षय बाहेक टोलीका अन्य सदस्यहरू पनि कोभिड पोजिटिभ भेटिएका थिए ।
२०२१ मा पनि अक्षय कोभिड पोजिटिभ थिए तर उनी छिट्टै निको भए । त्यस समयमा अक्षयले पीएम केयर फण्डमा २५ करोड रुपैयाँ दान गरेका थिए र त्यसो गर्ने पहिलो सेलिब्रेटी बनेका थिए ।
