काठमाडौं । रास्वपा केन्द्रीय समितिको बैठकमा महामन्त्री डा मुकुल ढकालको प्रतिवेदन पेश भएको छ ।
बैठकमा महामन्त्री ढकालको प्रतिवेदन सहमहामन्त्रीले बाचन गरेर सुनाएका छन्। प्रतिवेदनमाथि केहिबेरमा छलफल हुने बताईएको छ ।
यसअघि महामन्त्री ढकालले सभापति रवि लामिछानेले प्रस्ताव प्रस्तुत गर्न अनुमति नदिएको बताएका थिए ।यस्तै, बैठकको लाइभ गर्न नदिएपछि आफ्नो लोकतान्त्रिक अधिकार हनन् भएको भन्दै उनी मुखमा कालो टेप टाँसेर मौन बसेका थिए ।
महामन्त्री ढकालले प्रतिवेदनमा रास्वपा यही ढंगले अघि बढे आगामी चुनावमा राष्ट्रिय पार्टी बन्नसमेत हम्मेहम्मे पर्न सक्ने उल्लेख गरेका छन् । ‘आज नै चुनाव हुने हो भने पार्टी हम्मेहम्मे तरिकाले राष्ट्रिय पार्टी बन्ला र प्रत्यक्षमा एक-दुई सीट जित्ला । भोलिका दिनहरूमा आजकै स्थितिअनुसार अघि बढे पार्टीको हालत विवेकशीलको जस्तो हुनेछ’, प्रतिवेदनमा भनिएको छ ।
[pdf-embedder url=”https://newspolar.com/wp-content/uploads/2024/07/c86261a8.pdf”]
