काठमाडौं । नेपाली कांग्रेसले एमालेसँग भएको सत्ता सहकार्यको समझदारी अनुमोदन गरेको छ ।
पार्टी सभापति शेरबहादुर देउवा निवासमा बूढानिलकण्ठमा बसेको कांग्रेस केन्द्रीय कार्यसम्पादन समिति बैठक एमालेसँग भएको सहमति अनुमोदन गरेको हो ।
बैठकपछि बोल्दै प्रवक्ता डा प्रकाशशरण महतले एमालेसँग भएको सहमतिको स्वागत गरेको बताए । ‘सरकार सुरूमा ओलीजीको नेतृत्वमा बन्छ । दोस्रो कार्यकालमा हाम्रो पार्टी सभापति बन्नुहुन्छ । समझदारीको मुल विषय यही हो’,उनले भने ।
यस्तै, कांग्रेसले प्रधानमन्त्री पुष्पकमल दाहाल प्रचण्डलाई मार्गप्रशस्त गर्न पनि आग्रह गरेको छ ।
कांग्रेस र एमालेबीच आलोपालो सरकारको नेतृत्व गर्ने, संविधान संशोधन गर्ने र नयाँ सरकारलाई राष्ट्रिय सहमतिको स्वरुप दिने लगायतका विषयमा समझदारी भएको छ ।
