काठमाडौँ । बेलायतका लागि प्रस्तावित राजदूत ज्ञानचन्द्र आचार्यको एग्रिमो प्राप्त भएको छ । संसदीय सुनुवाइ पूरा गरेर एग्रिमोका लागि पठाइएको राजदूतका लागि उहाँको नाम स्वीकृत भएको हो । संसदीय सुनुवाइ पूरा गरेर भारत र अमेरिकाका लागि पनि राजदूतको नाम एग्रिमोका लागि सम्बन्धित मुलुकमा पठाइएको थियो । तर ती मुलुकबाट अहिलेसम्म एग्रिमो प्राप्त भएको छैन ।
गत कात्तिक महिनामा बेलायतका लागि आचार्यसँगै भारतका लागि डा शङ्कर शर्मा र अमेरिकाका लागि श्रीधर खत्रीको नाम सिफारिस गरिएको थियो । सरकारले अघिल्लो सरकारका पालामा नियुक्त भएका राजदूत फिर्ता गरेर उहाँहरुको नाम सिफारिस गरेको थियो ।
