काठमाडौं । प्रधानमन्त्री केपी शर्मा ओली आज धनगढी जाने हुनुभएको छ । ओली समूहको नेकपा सुदूरपश्चिम प्रदेशले शुक्रबार धनगढीमा विशाल जनसभा गर्ने भएको छ । उक्त सभालाई सम्बोधन गर्न प्रधानमन्त्रीओली धनगढी जान लाग्नु भएको हो ।
प्रधानमन्त्रीका प्रेस सल्लाहकार सुर्य थापाका अनुसार पार्टी विभाजन पछि पहिलो पटक ओली राजधानी बाहिर जान लाग्नु हुन् । यसअघि राजधानीमा भएको विभिन्न कार्याकर्ता भेलालाई प्रधानमन्त्री ओलीले सम्बोधन गर्नु भएको थियो । बुधबार सुदूरपश्चिम प्रदेश कमिटिले कमिटि विस्तार गर्दै आज सभा गर्ने निर्णय गरेको हो ।
