काठमाण्डौ । प्रिमियर लिग च्याम्पियन म्यानचेस्टर सिटीलाई हराउदै म्यानचेस्टर युनाइटेडले एफए कप फुटबलको उपाधि जितेको छ ।
गए राति वेम्बलीमा भएको फाइनल खेलमा सिटीलाई २–१ ले हराउँदै युनाइटेडले उपाधि जितेको हो ।
युनाइटेडका एलेजान्ड्रो गर्नाचो र कोबी माइनोले गोल गरे । गर्नाचोले खेलको ३० औँ र माइनोले ३९ औँ मिनेटमा गोल गरेका हुन् । सिटीका लागि जेरेमी डोकुले खेलको ८७ औँ मिनेटमा एक गोल फर्काए ।
अघिल्लो सिजनमा सिटीले युनाइटेडलाई २–१ गोलले नै हराएर उपाधि जितेको थियो ।
