काठमाडौँ । इन्डियन प्रिमियर लिग–२०२४ को ६० औं खेलमा कोलकाता नाइट राइडर्सले मुम्बई इन्डियन्सलाई १८ रनले पराजित गरेको छ । योसँगै टोली चालु सिजनको प्लेअफमा प्रवेश गरेको छ । केकेआर यो सिजन प्लेअफमा पुग्ने पहिलो टोली हो ।
टोली आठौं पटक यस लिगको प्लेअफमा प्रवेश गरेको छ । कोलकाताले सिजनमा मुम्बईलाई दोस्रो पटक पराजित गरेको हो । शनिबार कोलकातामा वर्षाका कारण यो खेल १६–१६ ओभरको खेलाइएको थियो ।
घरेलु मैदान इडेन गार्डेन स्टेडियममा टस हारेर ब्याटिङ गरेको कोलकाताले १६ ओभरमा ७ विकेट गुमाएर १५७ रन बनाएको थियो । जवाफमा मुम्बई इन्डियन्सले १६ ओभरमा ८ विकेट गुमाएर १३९ रनमात्रै बनाउन सक्यो । वरुण चक्रवर्ती प्लेयर अफ द म्याच भए । उनले ४ ओभरमा १७ रन दिएर २ विकेट लिए ।
केकेआरका लागि वेंकटेश अय्यरले ४२ रन बनाए भने आन्द्रे रसेलले २४ र नितिश राणाले ३३ रन बनाए । पियुष चावलाले २ विकेट लिए ।
एमआईका लागि इशान किशनले सर्वाधिक ४० रन बनाए । उनले रोहित शर्मासँग ६५ रनको साझेदारी गरे । तिलक वर्माले ३२ रन बनाए । बरुण चक्रवर्ती, आन्द्रे रसेल र हर्षित राणाले २–२ विकेट लिए ।
टस हारेर ब्याटिङ गरेको कोलकाताको सुरुवात खराब रह्यो । टिमले पावरप्लेमा ५ ओभरमा ४५ रन बनाएर ३ विकेट गुमाएको थियो ।
कोलकातालाई ४० रनमा तेस्रो झट्का लाग्यो । यहाँबाट मध्यक्रमका ब्याट्सम्यानले कमाण्ड सम्हाल्दै स्कोरलाई १५७ मा पुर्याए । वेंकटेश अय्यरले ४२, नितिश राणाले ३३, आन्द्रे रसेलले २४ र रिंकु सिंहले २० रन बनाए ।
१५८ रनको लक्ष्य पछ्याएको मुम्बईले राम्रो सुरुवात गरेको थियो । रोहित शर्मा र इशान किशनले ४२ बलमा ६५ रनको साझेदारी गरे । पावरप्लेमा टिमले कुनै विकेट नगुमाई ५९ रन बनाएको थियो ।
पावरप्लेपछि मुम्बईले लगातार विकेट गुमाएको थियो । टोलीलाई पहिलो झट्का ६५ रनमा परेको थियो । त्यसपछि १६ ओभरमा १३९ रन बनाएर ८ विकेट गुमाएको थियो ।
