काठमाडौँ । इंग्लिस प्रिमियर लिग फुटबलमा आर्सनलले जित निकालेको छ । भर्खरै सम्पन्न खेलमा आर्सनलले बर्नमाउथलाई ३–० गोलले पराजित गरेको हो ।
घरेलु मैदान इमिरेट्समा आर्सनललाई जित दिलाउन बुकायो साका, लियान्ड्रो ट्रोसार्ड र डेक्लान राइसले एक–एक गोल गरे । खेलको ४५ औं मिनेटमा साकाको पेनाल्टी गोलबाट आर्सनलले अग्रता लिएको थियो ।
७० औं मिनेटमा ट्रोसार्डले गोल थप्दै आर्सनलको अग्रता दोब्बर पारे । यता, खेल सकिनै लाग्दा इन्जुरी समयमा ९०+७ औं मिनेटमा राइसले गोल गर्दै आर्सनललाई ३—० को सहज जित दिलाए ।
जितसँगै शीर्षस्थानको आर्सनलले दोस्रो स्थानको म्यान्चेस्टर सिटीसँग ४ अंकको अग्रता बनाएको छ । आर्सनलको ३६ खेलबाट ८३ अंक छ । यद्यपि, सिटीले २ खेल कम खेलेको छ । उसको ३४ खेलबाट ७९ अंक छ । पराजित बर्नमाउथ ३६ खेलबाट ४८ अंकसहित १० औं स्थानमा छ ।
