काठमाडौं । साताको अन्तिम कारोबारको दिन बिहीबार कारोबार भएको पहिलो घण्टामा नेप्से परिसूचक १९.७८ अंकले बढेर २३६२.५४ विन्दुमा पुगेको छ । यस दिन २ हजार ३७२ दशमलव ८६ विन्दुबाट शुरु भएको बजार कारोबारको पहिलो घण्टामा शून्य दशमलव ८४ प्रतिशतले बढेको हो ।
पहिलो घण्टाको अवधिमा १९६ ओटा कम्पनीको १६ हजार ६७० पटकको कारोबारमा ३७ लाख ४४ हजार ४५४ कित्ता शेयरको रू. १ अर्ब ९३ करोड २५ लाख ३४ हजार बराबरको खरीदविक्री भएको छ ।
बिहीबार पहिलो घण्टामा कारोबारमा आएका १२ ओटा समूहको परिसूचकमध्ये बैंकिङ, व्यापार र म्युचुअल फण्ड समूहको परिसूचक घटेको छ भने बाँकी होटल्स, विकास बैंक, जलविद्युत, वित्त, निर्जीवन बीमा, उत्पादन तथा प्रशोधन, अन्य, लघुवित्त र जीवन बीमा समूहको परिसूचक बढेको छ ।
कारोबारको पहिलो घण्टामा हिमालय उर्जा विकास कम्पनीको शेयरमूय १० प्रतिशतले बढेको छ । त्यस्तै, महिला सहयात्रा लघुवित्त, प्रभु लाइफ इन्स्योरेन्स, गोर्खाज फाइनान्स, कर्पोरेट डेभलपमेण्ट बैंक र नेपाल फाइनान्सको शेयरमूल्य ९ प्रतिशतभन्दा बढीले वृद्धि भएको छ ।
यस अवधिसम्म नेपाल लाइफ इन्स्योरेन्स सर्वाधिक कारोबार भएको छ । उक्त कम्पनीको रू. २० करोड ६९ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. २ हजार ९६५ मा कारोबार भइरहेको छ ।
