काठमाडौं । रसुवाको बाढी प्रभावित क्षेत्रमा राहत, उद्धार, खोज तथा पुनःस्थापनाका लागि प्रधानमन्त्री दैवीप्रकोप उद्धार कोषमा सहयोग जुट्न थालेको छ ।
एकद्वार प्रणालीमार्फत प्राप्त सहयोग बुझ्ने क्रममा अर्थमन्त्री डा. स्वर्णिम वाग्लेले कुमारी बैंक लिमिटेडबाट ३ करोड रुपैयाँ नगद सहयोग प्राप्त गर्नुभएको छ ।
बैंकका प्रमुख कार्यकारी अधिकृत रामचन्द्र खनालसहित उच्च अधिकारीहरूले अर्थमन्त्री वाग्लेलाई उक्त रकम हस्तान्तरण गरेका हुन् ।
बाढी प्रभावित क्षेत्रमा राहत, उद्धार, खोज तथा पुनःस्थापनाका लागि प्राप्त सहयोग कोषमार्फत परिचालन गरिने जनाइएको छ ।
