काठमाडौँ । पाँच खेलको टी–२० सिरिज अन्तर्गत नेपाल र वेस्ट इन्डिज ‘ए’ बीचको तेस्रो खेल आज बुधबार हुँदैछ ।
दुई खेल सकिँदा एक–एक अंक बाँडेका नेपाल र वेस्ट इन्डिजबीच बुधबार तेस्रो प्रतिस्पर्धा हुन लागेको हो ।
यो खेल कीर्तिपुरस्थित त्रिवि अन्तर्राष्ट्रिय क्रिकेट मैदानमा मध्यान्ह सवा १२ बजे सुरु हुनेछ ।
शनिबार भएको पहिलो खेलमा नेपालले चार विकेटको जित निकालेको थियो भने दोस्रो खेलमा आइतबार नेपाल १० रनले पराजित हुन पुग्यो ।
यसैबीच आजको खेलपछि टी–२० विश्वकप खेल्ने नेपाली टोलीको घोषणा गर्ने तयारी गरिएको छ । विश्वकप खेल्ने टोलीहरुले धमाधम आफ्नो स्क्वाड घोषणा गरेका छन् । आईसीसीलाई आज मे १ मा अन्तिम टोली बुझाइसक्नुपर्नेछ ।
