म्याड्रिड । जुलेस कोन्डे र इभान राकिटिचले आफ्नै पूर्वक्लबविरुद्ध गरेको गोलमा सेभियाले कोपा डेल रेको पहिलो लेगको सेमिफाइनलमा बुधबार बार्सिलोनालाई २–० ले पराजित गरेको छ ।
पछिल्लो अगस्टमा बार्सिलोनामा ११ उपाधि जितेर सेभिया लागेका राकिटेचले ८५औं मिनेटमा गोल गर्दै जित निश्चित गरे । लियोनल मेसी खेलको अन्त्यतिर बार्सिलोनाका लागि गोल गर्ने राम्रो अवसरमा चुके ।
आफ्नो घरेलु मैदानमा प्राप्त यस जितपछि सेभिया फाइनल प्रवेशका लागि बलियो दाबेदार बनेको छ । अब दोस्रो लेगको सेमिफाइनल मार्च ३ मा नुक्याम्पमा हुनेछ ।
