काठमाडौं । ६ महिनामा एसियन लाइफ इन्सुरेन्सको खुद नाफा ४५.०२ प्रतिशतले बढेको छ । चालु आर्थिक वर्षको दोस्रो त्रैमासमा १७ करोड ६० लाख ५४ हजार रुपैयाँ पुर्याएको हो ।
गत वर्ष एसियन लाइफको खुद नाफा १२ करोड १३ लाख ९७ हजार रुपैयाँ रहेको थियो । साथै खुद बिमा शुल्क आम्दानी पनि ३७.१९ प्रतिशतले बढेर पुस मसान्तसम्म ३ अर्ब १३ करोड ६२ लाख ७५ हजार रुपैयाँ पुगेको छ । गत वर्ष यसले २ अर्ब २८ करोड ६० लाख ५६ हजार रुपैयाँ खुद बिमा शुल्क आर्जन गरेको थियो ।
एसियनको जीवन बिमा कोष १९ अर्ब ३१ करोड ७२ लाख रुपैयाँबाट बढेर २४ अर्ब ७१ करोड ३५ लाख रुपैयाँ पुगेको छ । कम्पनीले पुसमसान्तसम्म महाविपत्ति कोषमा ७ करोड ८८ लाख रुपैयाँ छुट्याएको छ । यस्तै, रिजर्भ कोषमा ७२ करोड ३१ लाख २० हजार रुपैयाँ छ ।
एसियनको प्रतिसेयर आम्दानी (वार्षिक) १७ रुपैयाँ ५१ पैसा र प्रतिसेयर १३९ रुपैयाँ ८८ पैसा रहेको छ । त्यस्तै चुक्ता पुँजी २ अर्ब १ करोड ७ लाख ६० हजार रुपैयाँ रहेको छ ।
