एजेन्सी । यतिबेला बलिउड फिल्म ‘शैतान’को चर्चा जताततै भइरहेको छ । अभिनेता अजय देवगन र आर माधवन अभिनीत एक अलौकिक थ्रिलरको रूपमा, यो चलचित्रले सबैलाई धेरै मनोरञ्जन दिएको छ ।
अजय, माधवन र ज्योतिका बाहेक शैतानमा आफ्नो अदभूत अभिनयले फ्यानहरूलाई प्रभावित पार्ने अभिनेत्री जानकी बोधिवालालाई कसले भुल्न सक्छ ?
जानकी शैतानबाटै हिन्दी सिनेमामा प्रवेश गरेकी हुन् । यसअघि उनी गुजराती फिल्म उद्योगमा सक्रिय थिइन् । यसैबीच, उनले आफ्नो चाहनाका धेरै गोप्य खुलासा गरेकी छिन् र उनी बताउँछिन् कोसँग डेटमा जान चाहन्छिन् ।
फिल्म शैतानको सफलतापछि जानकी बोधिवालाको नाम यतिबेला निकै चर्चामा छ । फिल्ममा उनले जसरी अभिनय गरेकी छन्, त्यसको प्रशंसा गर्न सकिँदैन । हालै जानकीले जुमसँगको अन्तर्वार्तामा खुलेर बोलिन् ।
यस क्रममा उनलाई कुन अभिनेतासँग डिनर डेटमा जान मन छ भनेर सोधियो । यही प्रश्नको जवाफ दिँदै २८ वर्षीया जानकी बोधिवालाले द आर्चिज फेम कलाकार वेदांग रैनाको नाम लिएकी छिन् । उनले भनिन् – उनको व्यक्तित्व र प्रतिभा निकै उत्कृष्ट छ । यदि मैले मौका पाएँ भने, म भविष्यमा उनीसँग डेटमा जान चाहन्छु ।’ यसरी जानकीले आफ्नो मनको कुरा व्यक्त गरेकी छिन् ।
अजय देवगन र आर माधवनसँग शैतानमा काम गरेपछि, बलिउड अभिनेत्री जानकी बोधिवाला अन्य कोसँग स्क्रिन सेयर गर्न चाहन्छिन् ? यसमा उनले भनेबी छन्– ‘रणवीर सिंह र रणवीर कपूर दुई सुपरस्टार हुन् जससँग काम गर्ने मेरो ठूलो इच्छा छ । म चाहन्छु कि जब पनि मलाई मौका मिल्छ, म पक्कै पनि उहाँहरूसँग काम गर्छु ।’
