काठमाडौं । आर्सनल ईंग्लिस प्रिमियर लिगको शीर्षस्थानमा उक्लिएको छ ।
गएराति भएको खेलमा आर्सनलले ब्रेन्टफोर्डलाई २-१ गोलले हरायो ।
घरेलु मैदान इमिरेट्समा खेलको १९ औं मिनेटमा डेक्लान राइसले गोल गर्दै आर्सनललाई सुरुवाती अग्रता दिलाएका थिए । योयाने वीसाले पहिलो हाफको इन्जुरी समयमा गोल गर्दै ब्रेन्टफोर्डलाई १-१ गोलको बराबरीमा ल्याए ।
त्यसपछि खेलको ८६ औं मिनेटमा काइ हाभेट्र्जले गोल गर्दै आर्सनललाई महत्त्वपूर्ण जित दिलाए ।
यो नतिजापछि आर्सनल अंकतालिकाको शीर्षस्थानमा उक्लिएको छ । आर्सनलको २८ खेलबाट ६४ अंक छ । समान एक-एक खेल कम खेलेका लिभरपुल ६३ र म्यान्चेस्टर सिटि ६२ अंकका साथ दोस्रो र तेस्रो स्थानमा छन् । आज राति यी दुई टोलि भिड्दैछन् ।
ब्रेन्टफोर्ड २६ अंकसहित १५ औं स्थानमा छ ।
