काठमाडौं । त्रिकोणात्मक टी–२० सिरिज अन्तर्गत नेपालले आज नामिबियासँग प्रतिस्पर्धा गर्दैछ ।
नेपालले पहिले ब्याटिङ गर्ने भएको छ । कीर्तिपुरस्थित त्रिवि मैदानमाटस जितेर नामिबियाले पहिले फिल्डिङ रोजेको हो ।
जारी प्रतियोगितामा दुई टोली दोस्रोपटक भिड्न लागेका हुन् । यसअघि भएको खेलमा नामिबियाले नेपाललाई २० रनले पराजित गरेको थियो ।
नेपाललाई आजको खेल निकै महत्वपूर्ण रहेको छ । लगातार दुई खेलमा पराजित भएको नेपाल फाइनलको सम्भावना जिवितै राख्नका लागि पनि आजको खेल जित्नुपर्ने दबाबमा छ ।
विश्वकप लिग–२ खेल्न नेपाल आएका दुई टोली नामिबिया र नेदरल्यान्ड्ससँग नेपालले सिरिज खेलेको हो । हरेक टोलीले एक–अर्कासँग दुई–दुई खेल खेल्दैछन् । शीर्ष दुई टोलीले फाइनल खेल्नेछन् ।
