काठमाडौ । सरकारले वार्ता समिति गठन गरे लगत्तै प्रतिवन्धित नेत्रविक्रम चन्द विप्लव नेतृत्वको नेकपाले पनि आजै वार्ता समिति सार्वजनिक गर्ने भएको छ । सरकारले पहिला बार्ता टोली सार्बजनिक गरेपछि आफुहरुले पनि टोली सार्बजनिक गर्ने जानकारी विप्लव समूहले गराएको थियो ।
यसै बीच सरकारका प्रबक्ता मन्त्री पार्बत गुरुङ्गले समस्या समाधानका लागि सकारात्मक पहल भै रहेको भन्दै विप्लव समूह माथी लागेको प्रतिबन्ध पनि हट्ने जानकारी दिनुभयो । उहाले भन्नुभयो ‘यो सबै वार्तामार्फत नै टुंगिन्छ, ‘कसरी जाने, के गर्ने ? उहाँलाई लागेको मुद्दा होस्। उहाँको हतियारको कुरा होस्। यी सबैलाई अन्तिम प्रक्रियामा पुर्याउनका निम्ति वार्ता टोली गठन गरिएको हो ।
वार्ताभन्दा अघि नै सबै कुरा गर्ने हो भने वार्ताको औचित्य नै समाप्त हुन्छ ।’प्रतिबन्ध हटे लगत्तै विप्लव समूहले राजधानीका औपचारिक कार्यक्रम गर्ने तयारी गरेको छ ।
