काठमाडौं । नेपाल कम्युनिष्ट पार्टी (एमाले) संसदीय दल, मधेस प्रदेशका सम्पूर्ण प्रदेशसभा सदस्यले एक दिनको तलब राहत सहयोगस्वरूप प्रदान गर्ने भएका छन् ।
दलले आज प्रेस विज्ञप्ति जारी गर्दै भोटेकोशी नदीमा आएको बाढीका कारण पीडितलाई राहत स्वरुप उक्त आर्थिक सहयोग प्रदान गर्ने निर्णय गरेको हो ।
संसदीय दलका नेता सरोजकुमार यादवबाट जारी विज्ञप्तिमा प्राकृतिक विपद्को समयमा प्रभावित नागरिकप्रति ऐक्यबद्धता जनाउँदै एक दिनको तलब राहत सहयोगस्वरूप प्रदान गर्ने निर्णय गरिएको उल्लेख छ ।
