काठमाडौं । नेपाली कांग्रेसको पदाधिकारी बैठक बस्ने भएको छ । बिहीबार पार्टी सभापति शेरबहादुर देउवा निवास दिउँसो २ बजे बूढानिलकण्ठमा कांग्रेसको पदाधिकारी बैठक बस्ने भएको हो ।
संसद् पुनर्स्थापनापछि फागुन २३ गते बोलाइएको संसद् बैठकमा कसरी प्रस्तुत हुने भन्नेबारे छलफलमा पूर्वपदाधिकारीहरु पनि सहभागी हुने भएका छन् ।
संसदीय दलको बैठकका एजेण्डा र केन्द्रीय समिति बैठका एजेण्डाबारे छलफल हुने कांग्रेसले जनाइएको छ । कांग्रेसको केन्द्रीय समिति बैठक फागुन २२ गते बस्ने भएको हो । अब संसद् र आगामी सरकार निर्माणमा कांग्रेस निर्णायक हुने भएकोले कसरी अघि बढ्ने भन्ने विषयमा छलफल हुने बताइएको छ ।
राष्ट्रपति विद्यादेवी भण्डारीले सरकारको सिफारिसमा गत पुस ५ गते संसद विघटन घोषणा गरेकी थिइन् । सरकारको उक्त निर्णय बदर गर्दै सर्वोच्च अदालतले फागुन ११ गते १३ दिनभित्र संसद बैठक आह्वान गर्न आदेश जारी गरेको थियो ।
उक्त आदेश अनुसार प्रधानमन्त्रीको सिफारसमा राष्ट्रपति भण्डारीले फागुन २३ गते अपराह्न ४ बजे संसद बैठक आह्वान गरेकी छन् ।
