काठमाडौं । मंगलबार नेप्से परिसूचक २३.२२ अंकले घटेर २ हजार ४ सय ६१.८८ विन्दुमा बन्द भएको छ । यो दिन शेयर कारोबार मापक नेप्से ०.९३ प्रतिशतले दोहोरो अंकले झरेको हो ।
आजको दिन बजार २ हजार ४ सय ९४.०५ विन्दुदेखि खुला भएर २ हजार ४ सय ५३.५४ विन्दुसम्म झरेको थियो । यो दिन ठूला कम्पनीहरुको कारोबार मापक सेन्सेटिभ इन्डेक्स पनि ४.४७ अंक घटेर ४ सय ४५.२१ विन्दुमा झरेको छ । यो भनेको ०.९९ प्रतिशत हो ।
मंगलबार करीब ५ अर्ब बराबरको शेयर कारोबार भएको छ । यो दिन २१० वटा कम्पनीको ५२ हजार ५ सय ९१ पटकको व्यापारमा उक्त रू. ४ अर्ब ७५ करोड २७ लाख ८ हजार बराबरको १ करोड २४ लाख ८२ हजार ४२८ कित्ता शेयर कारोबार भएको हो ।
आज शेयर बजारको कुल कारोबारमा सर्वाधिक हिस्सा शिखर इन्स्योरेन्स कम्पनी लिमिटेडले ओगटेको छ । यस कम्पनीको रू. ६५ करोड ३५ लाख ४१ हजार बराबरको शेयर कारोबार भएको हो । यो दिन होटल्स तथा पर्यटन समूहको परिसूचक २.९८ प्रतिशत, जलविद्युतको १.८ प्रतिशत र म्युचुअल फण्डको ०.०७ प्रतिशत बढेको छ । बाँकी समूहको परिसूचक भने यो दिन घटेको छ ।
यो दिन हिमालयन उर्जा विकास कम्पनीको ९.९७ प्रतिशत, चन्द्रागिरी हिल्स लिमिटेडको ९.९२ प्रतिशत, नेपाल हाइड्रो डेभलोपरको ९.८८ प्रतिशत, रैराङ हाइड्रोपावरको ९.७८ प्रतिशत र युनाइटेड फाइनान्सको ९.७५ प्रतिशतले मूल्य बढेको छ ।
यो दिन उत्पादन तथा प्रशोधन समूहको परिसूचक सर्वाधिक १.६७ प्रतिशत घटेको छ । दोहोरो अंकले घटेको बजारमा सपोर्ट माइक्रोफाइनान्स वित्तीय संस्थाको शेयरमूल्य सर्वाधिक ५.१८ प्रतिशत घटेको छ । कम्पनीको शेयरमूल्य प्रतिकित्ता रू. १०० ले घटेर अन्तिम मूल्य रू. १ हजार ८३० कायम भएको हो ।
