काठमाडौँ । सत्ता गठबन्धनमा सामेल डा. सीके राउत नेतृत्वको जनमत पार्टीले राष्ट्रिय सभा सदस्यका लागि मधेश प्रदेशमा अन्य तर्फबाट छुट्टै उम्मेदवारी दर्ता गराएको छ ।
जनमतका रामशंकर महासेठले मनोनयन दर्ता गराएका हुन् । उनको प्रस्तावकमा शम्भु साह र समर्थक सञ्जय यादव छन् । प्रस्तावक र समर्थक दुवै प्रदेश सांसद हुन् ।
जनमत बाहेकका सत्ता गठबन्धनकातर्फबाट कांग्रेसबाट केन्द्रीय सदस्य आनन्दप्रसाद ढुंगानाले अन्य र जनता समाजवादी पार्टी (जसपा)बाट पूजा चौधरीले महिला समूहतर्फ मनोनयन दर्ता गराएका छन् ।
