काठमाडौँ । नेपाल उद्योग वाणिज्य महासंघका अध्यक्ष चन्द्रप्रसाद ढकालले नीतिगत र व्यवहारिक सहजता हुने हो भने अर्थतन्त्र सुधार हुन समय नलाग्ने बताउनु भएको छ ।
कोहलपुर उद्योग वाणिज्य संघको वार्षिक साधारण सभाका अवसरमा भर्चुअल सम्बोधन गर्दे अध्यक्ष ढकालले अर्थतन्त्र सुधारका लागि सरकारसंग आफुहरुले निरन्तर पहल गरेको जानकारी गराउनु भयो ।
उहाँले भन्नुभयो “पछिल्लो पटक उद्योग व्यवसायका क्षेत्रमा विविध समस्या छन् । साना ठूला सवै तहका उद्योग व्यवसायका लागि विविध खालका चुनौती छन् । उद्योग गर्ने व्यवसाय गर्ने वातावरण बनाउन हामीले सरकारलाई पनि वारम्वार आग्रह गर्दै आएका छौं, विज्ञ लगाएर सुुझाव तयार गरी वुुझाएका पनि छौं ती कुरा कार्यन्वयन हुनु पर्यो ।”
अध्यक्ष ढकालले भन्नुभयो–पछिल्लो पटक ट्रङ तथा डेडिकेटेड लाइनको महशुल विवादले पनि उद्योगीहरु समस्यामा छन् । अहिले ठुला उद्योगहरुको डेडिकेटेड र टंकलाइनको पुरानो विवाद समाधान नहुँदै लाइन काटिएको छ । यसले औद्योगिक वातावरण विगार्छ । यसको समाधानका लागि पनि सबै अध्ययन गर्न एक उच्चस्तरिय आयोग वा संयन्त्रको माग गरेका छौ । यो रकम ठूलो छ । कुनै एक निकायले यसलाई समाधान गर्न सक्दैन ।’
उहाँले निजी क्षेत्र सम्मिलित आयोग बनाई त्यसबाट समाधान निकाल्नुपर्ने बताउनु भयो । उहाँले भन्नुभयो ‘यसरी काटिएको लाइन जोडन र थप नकाटन म आग्रह गर्दछु । यसले रोजगारी र राजश्वमा असर गरेको छ । मन्दीमा रहेको अर्थतन्त्रलाई थप प्रभावित बनाएको छ ।’
अध्यक्ष ढकालले भन्नुभयो– ‘मुलुकभरिकै व्यापार व्यवसायलाई मुलुकको समग्र अर्थतन्त्रले प्रभावित पारेको छ । वाह्य क्षेत्र सकारात्मक भएपनि मुलुक भित्र माग सिर्जना हुन सकेको छैन । यो विगतमा हामीले एकपछि अर्को गर्दै गरेको नीतिगत निर्णयका कारण भएको हो । उहाँले भन्नुभयो मुलुकमा भविष्य नदेखेर युवाहरु पलायन भैरहेका छन् । रेमिट्यान्स त आएको छ तर उपभोग बढेको छैन । हामीले यो समस्या हुँदैछ, भनेर शुरुमै सरकारको ध्यानाकर्षण गराएका थियौ । तर समाधानमा ध्यान पुगेन ।’
हामीले असोजमा राष्ट्यि आर्थिक बहस आयोजना गर्यौ । त्यसमा अन्तरनिकाय समन्वय र नया चरणको सुधारका लागि आयोग वा उच्च संयन्त्रको हामीले माग गर्यौ । सोही अनुरुप प्रधानमन्त्रीज्यूले सम्वाद परिषद व्युत्याउने घोषणा त गर्नुभयो तर वैठक भएको छैन् उहाँले भन्नुभयो ।
अध्यक्ष ढकालले भन्नुभयो– ‘उद्योग मन्त्रालयसँगको छलफलमा प्रधानमन्त्रीले अन्तरनिकाय सम्मिलित राष्ट्रिय व्यापार सहजीकरण समितिको कार्यविधि बनाउन निर्देशन दिनुभएको छ । हामीले माग गरेको यही र यस्तै संयन्त्र हो । जसले सम्वेदनशील भएर उद्यमीका समस्या समाधान गरोस् । यो तत्काल बन्नुपर्यो र संयन्त्र निर्माण हुनुपर्यो । हाम्रो आग्रह छ । हामीले थप व्यवसायिक वातावरण विगार्नु हुँदैन । नत्र हामी थप समस्यामा पर्दै जानेछौ । अहिले हालसम्मकै उच्च विदेशी विनिमय संचिति छ । अत्यधिक रेमिट्यान्स आइरहेको छ । बैंकहरुमा लगानीयोग्य रकम पर्याप्त छ । यसको उपयोग निजी क्षेत्रले नै गर्ने हो । यसको वातावरण मात्रै सरकारले वनाइ दिने हो ।’
उहाँले भन्नुभयो – ‘यसका लागि महासंघले सातै वटा प्रदेशमा लगानी सम्मेलनको योजना पनि अगाडि सारेका जानकारी गराउदै कोहलपुरमा कुन क्षेत्रमा क्षेत्रमा लगानी ल्याउन सकिन्छ, उद्योग व्यवसायको सम्भाव्यता कतिको छ यसमा गृहकार्य गर्न आग्रह गर्नुभयो । लगानीका अवसर पहिचान गर्न सक्यौ भने लगानीको खांचो हुने छैन नहुने उहाँले स्पष्ट पार्नुभयो ।’
