काठमाडौँ । पशुपति क्षेत्र विकास कोषले बुढासुब्बा डिजिटल प्रालिले पशुपति क्षेत्रको गंगा आरतीको भिडियो खिच्न निषेध गरिएको भन्ने सूचनाबारे ध्यानाकर्षण जनाएको छ । बिहिबार विभिन्न सञ्चारमाध्यममा यसबारे समाचार समेत प्रकाशित भएको थियो ।
विकास कोषले एक सूचना जारी गर्दै भनेको छ – ‘बुढासुब्बा प्रालिले पशुपति आर्यघाट क्षेत्रको बागमति किनारमा हुने गंगा आरति र कोर क्षेत्रमा हुने दीप प्रज्वलनको भिडियो खिच्न सख्त मनाही रहेको बताएको छ । यहाँ खिचिएका भिडियो सामाग्री फेसबुक, इन्स्टाग्राम, टिकटक तथा युट्युवमा व्यवसायिक प्रयोजनका लागि राखिएको थाहा भएमा डिजिटल कपिराइट ऐन अन्तर्गत कारवाही हुने जानकारी गराउँदछौं भन्ने सूचना विभिन्न सामाजिक सञ्जालमा प्रकाशित भएको प्रति कोषको गम्भीर ध्यानाकर्षण भएको छ ।’
साथै, कोषले लोगो प्रयोग गरी कोषको नाम समेत राखी सूचना प्रकाशित गरिएको भन्दै असहमति समेत जनाएको छ । यस्तै, कोषले उक्त सूचना प्रकाशितप्रति कोषको कुनैपनि संलग्नता नरहेको जनाएको छ ।
