काठमाडौँ । नेपाल प्रहरीले पठाओ र इनड्राइभको नाममा अफलाइन राइड गर्ने विभिन्न व्यक्तिहरुलाई नियन्त्रणमा लिएको छ ।
शनिबार काठमाडौँका विभिन्न स्थानहरुबाट अनधिकृत तवरले सर्वसाधारणहरुलाई ओसारपसार गर्ने कृयाकलापमा संलग्न ४८ जना व्यक्तिहरुसहित ७५ वटा मोटरसाइकल नियन्त्रणमा लिएको हो । उनीहरुलाई आवश्यक कारबाही थालिएको प्रहरीले जनाएको छ ।
साथै, प्रहरीले विगतका केही आपराधिक घटनाहरुमा यस्ता सवारीहरुको संलग्नता देखिएको भन्दै सुरक्षा संवेदनशीलताको दृष्टिबाट सदैव जोखिम सिर्जना हुने भएको कारणले अफलाइन राइड नगर्नेतर्फ सचेत रहन आग्रह समेत गरेको छ ।
