काठमाडौँ । बिरामी बोकेर काठमाडौं आउँदै गरेको एम्बुलेन्स ट्रकसँग ठोक्किएर दुर्घटना भएको छ ।
आज बिहान २ बजे महोत्तरीबाट बिरामी लिएर आउँदै गरेको ज१च८२४ नम्बरको एम्बुलेन्स सिन्धुली गोलन्जोरमा रोकी राखेको बा३ ख६७९० ट्रकसँग ठोक्किएर दुर्घटना भएको हो।
दुर्घटनामा परी एम्बुलेन्स सवार ५ जना घाइते भएका छन् । दुर्घटनामा महोत्तरीको महोत्तरी नगरपालिका-१ का ४० वर्षीय ईकरामुल अन्सारी, २५ वर्षीय कलाम अन्सारी, २० वर्षीया चाबोला खातुन, १ वर्षीय बालक अवरार अन्सारी र भंगाहा नगरपालिका-१ का २१ वर्षीय जयकुमार राउत घाइते भएका सिन्धुलीका डिएसपी चिरञ्जीवी दाहालले जानकारी दिए ।
घाइतेहरूलाई आज बिहानै अर्कै एम्बुलेन्समा राखेर काठमाडौं पठाइएको डिएसपी दाहालले जानकारी दिए ।
