काठमाडौं । जाजरकोटका भूकम्प पीडितलाई ईस्टिचिइ् नेपालको सहयोगमा भोलेन्टर क्रप्स नेपाल (भिसिएन) ले राहत सामग्री उपलब्ध गराएको छ ।
जाजरकोटको रामीडाँडा केन्द्रबिन्दु बनाएर यही कात्तिक १७ गते राति छ दशमलव ४ म्याग्निच्युडको भूकम्पबाट जाजरकोट र रुकुम पश्चिममा अकल्पनीय जनधनको क्षति हुन पुगेको थियो ।
भूकम्पमा एक सय पचासभन्दा बढीले अकालमा ज्यान गुमाउनुपरेको छ । भूकम्पबाट प्रारम्भिक तथ्याङ्कनुसार ३० हजार घर पूर्णरूपमा अथवा आंशिकरूपमा क्षति भएको र ३८ हजार परिवार प्रभावित भएको जनाइएको छ ।
भूकम्प पीडितलाई स्वच्छता किटसहित खाद्यान्न तथा गैरखाद्य सामग्री वितरण गरिएको भिसिएनकी उपाध्यक्ष राधा मताङ्गीले जानकारी दिनुभयो । उहाँका अनुसार नलगाँड र भेरी नगरपालीका प्रभावित करिब १५० परिवारलाई राहत सामग्री उपलब्ध गराईएको छ ।
संस्थका सहकर्मी, स्वयंसेवक र सहयोगी हरूले आवश्यक सहयोग पुर्याउन अथक प्रयास गरिरहेको जनाउदै संस्थाले चिसो बाट नागरिकलाई जोगाउन धेरै काम गर्नुपर्ने जनाएको छ । स्थानीय निकाय , प्रशासन , सुरक्षानिकायसंग समन्वयमा उद्दार र राहत बितरण कार्यका सहकार्य गरेको जनाउदै संस्थाले सामूहिक दृष्टिकोणबाट मात्र उद्दार , राहत र पुननिर्माण हुन सक्ने जनाएको छ ।
